Tuttimelon (已結業)

最近見到froyo就想食，咁岩約左朋友飲野去開尖沙咀經過The One就忍唔住上去試下tuttimelon~見識下自助式froyo~~ 因為係平日唔係好多人光顧，係froyo機附近有位好好拎住d細杯仔話可以試食，不過我就無試，直接去拎隻大杯就擠froyo。是日froyo有原味、mixed berried、石榴、蜜瓜、菠蘿、椰子、荔子、木瓜同桃….我就擠左大愛嘅蜜瓜同菠蘿，再加左少少椰子同荔子。之後就去左加材料，保守嘅我一見到七彩mochi毫不猶疑咁加左好多~之後2件細細嘅saralee cake同埋同froyo好夾嘅粟米片，之後見到好多唔同嘅jelly就加左green tea jelly同pudding，之後就去稱重…埋單66大洋~睇落唔大杯，但就因為焦技巧擠唔到人地個d中空froyo而搞到好大杯同都幾貴。俾完錢去左店內嘅坐位坐低試食，講真我食過幾次froyo而言，這裡的froyo口感係咁多間最好，而且食到最後都無溶!!只不過佢都比其他嘅froyo偏向酸味較重，就算froyo機前有intro講左比較甜嘅口味都唔覺甜而係覺得酸。同埋幾個口味我都食唔出有咩分別，可能我選擇嘅果味都不算濃厚啦