Mad for Garlic (已結業)

相信各位有返咁上下波齡既朋友仔都聽過一句叫「神奇頂級超卓」今日我就想用呢句來形容一下Mad for Garlic 既鬼斧神工。世界各地, 以各種食材做主題既餐廳數之不盡, 講到創意, 我想「蒜」可謂前無古人了。絕對唔係跨張, 就等我介紹下我叫左乜野食物令我讚不絕口!咁我同女朋友就叫了一個套餐A前菜係一碟沙律Fresh Spinach Salad入面有大量蒜, 但食落後完全唔覺重口味, 反而有一種清新既感覺!究竟如何做到?之後有2客餐湯, 不過不失, 但感覺好高貴!之後就係好出名既Garlic snowing Pizza薄餅皮薄餡靚, 非常好吃, 而且我見幾乎每桌食客都有點呢道!之後仲有Crab & Lobster Pasta好足料, 最少有6舊龍蝦肉同大量碎蟹肉, 而且意粉汁味道恰到好處!當我地2人食到飽到唔郁得既時候, 仲有1個D.I.Y. Tiramisu質素係超級, 超滑!坦白講, 1對情侶去食, 個人認為係值得既因為味道佳, 份量多。如果一班朋友,例如3個女仔食, 如果3個人食既話就係超值!大家不妒試下, 必點Snowing pizza