梁慶記 (已結業)

闊別飲食界多年，今日忍唔住要打返篇食評唔係話我無食飯，只係忙到都無時間分享今日突然心血來潮，想食喇沙，原本要去到新世界先有得食，咁岩行過呢間梁慶記，眼尾見到貼喺門口嘅餐牌因為天氣太熱，又懶行，所以入去試下佢呢個喇沙面上枱同圖片爭好遠，圖片重口味好多呷一口湯底，椰香味濃而且小辣，食得辣嘅一定接受到，佢呢個湯底調較得岩岩好，唔會死實實牛腩有小小咬口，唔係稔到無牙都食到味種，不過都可以接受，牛筋就好稔，無牙都食到薯仔就無特別，仲要凍嘅，可能唔想個薯仔溶掛，再黎就係佢米豬連攞獎嘅全蛋粗麵，又真係幾好咬口，唔怪得攞獎整體黎講46蚊都係合理價錢，飲品就另外加錢，呢度行健康路線，所以飲品唔落糖，自己有需要就枱面有糖漿自己加，唔錯！