影片
更多
2020-04-15
1308 瀏覽
【新志興至尊燒鵝大王】『九龍篇-黃大仙區』再承上一個食評，事緣呢餐DINNER係我地已經行完東壩筋皮力歇既時候，幫我地差差電打打氣。行到落山腳之後，咁岩有個巴士站可以搭96R巴士經過彩虹，當然二話不說即刻BOOK位食呢間神級大排檔 - 新志興至尊燒鵝大王。如果無BOOK位既話，基本上係想食都無得食。呢間神級大排檔晚晚都會爆哂棚，所以如果大家經過彩虹又想食既話，一定一定要BOOK位啊，親。我地抬左30mins 巴士黎到之後個成間大排檔都爆哂棚，就算有BOOK位都要等20mins。雖然我地真係好肚餓，但係為左食呢間神級大排檔，我地並唔會咁輕易就放棄。等左20mins 終於到我地啦，雖然比人發配邊疆，但係認真真係值。一坐落台由於團友們行完山已經極度肚餓既關係，所以二話不說先叫左個豉油皇炒麵。之後我地Order既餸有黃金魚皮、脆皮炸大腸、酥炸桶蠔、志興秘制燒鵝、啫啫雞煲、馬拉盞炒芥蘭同埋避風塘釀茄子。由於每道餸都十分出色，所以我唔每道都講啦，直接打大佬啦。先講個酥炸桶蠔先，好食唔在講。個SIZE真係大到嚇死人，成隻手掌咁大。再講個口感，你以為成舊都係炸粉，少年你太年輕了，其實個炸粉Layer
『九龍篇-黃大仙區』
再承上一個食評，事緣呢餐DINNER係我地已經行完東壩筋皮力歇既時候，幫我地差差電打打氣。行到落山腳之後，咁岩有個巴士站可以搭96R巴士經過彩虹，當然二話不說即刻BOOK位食呢間神級大排檔 - 新志興至尊燒鵝大王。如果無BOOK位既話，基本上係想食都無得食。呢間神級大排檔晚晚都會爆哂棚，所以如果大家經過彩虹又想食既話，一定一定要BOOK位啊，親。
我地抬左30mins 巴士黎到之後個成間大排檔都爆哂棚，就算有BOOK位都要等20mins。雖然我地真係好肚餓，但係為左食呢間神級大排檔，我地並唔會咁輕易就放棄。等左20mins 終於到我地啦，雖然比人發配邊疆，但係認真真係值。
一坐落台由於團友們行完山已經極度肚餓既關係，所以二話不說先叫左個豉油皇炒麵。之後我地Order既餸有黃金魚皮、脆皮炸大腸、酥炸桶蠔、志興秘制燒鵝、啫啫雞煲、馬拉盞炒芥蘭同埋避風塘釀茄子。由於每道餸都十分出色，所以我唔每道都講啦，直接打大佬啦。
先講個酥炸桶蠔先，好食唔在講。個SIZE真係大到嚇死人，成隻手掌咁大。再講個口感，你以為成舊都係炸粉，少年你太年輕了，其實個炸粉Layer 好薄，成個核心都係隻桶蠔黎。再講講個做法，你又以為佢炸到乾爭爭，你只會變得愈黎愈年輕吧，小孩。一咬落去啖啖汁，正到不得了，仲要隻蠔脹卜卜，真係出色到無得彈。
再講個志興秘制燒鵝，呢隻燒鵝簡直係好味到核爆，上台已經感受到佢岩岩燒起既新鮮，賣相已經唔錯。重點係一咬落去啖啖汁，真係好味到痴線，再講D肉質軟身，唔似出面有D擺得落既燒鵝D肉咁煙UN。比起出面燒味鋪黎講真係更更更更加好食，可以感受到呢間神級大排檔同埋出面既分別，呢得新志興真係一定一定要食佢隻燒鵝，下次我地就算六個人都好，我地都會考慮叫一隻好過半隻唔夠分。
總括而言，呢間神級既大排檔真係無得彈，暫時呢間大排檔係係本尊排行榜既第一位，碟頭大碟又上台快，而且仲要不失味道，更比其他大排檔有更出色既表現，除左讚之外，都只有係讚。
各位鍊金術士有興趣都可以試下，歡迎PM 交流下。
識食‧你都會係食の鍊金術士
志興秘制燒鵝
$230
67 瀏覽
1 讚好
0 留言
豉油皇炒麵
$65
107 瀏覽
0 讚好
0 留言
脆皮炸大腸
$88
83 瀏覽
0 讚好
0 留言
馬拉盞炒芥蘭
$78
67 瀏覽
0 讚好
0 留言
啫啫雞煲
$78
71 瀏覽
0 讚好
0 留言
黃金魚皮
$78
74 瀏覽
0 讚好
0 留言
生炒骨
$78
46 瀏覽
0 讚好
0 留言
避風塘釀茄子
$78
57 瀏覽
0 讚好
0 留言
酥炸桶蠔
$198
49 瀏覽
0 讚好
0 留言
志興秘制燒鵝
$230
51 瀏覽
0 讚好
0 留言
志興秘制燒鵝
$230
44 瀏覽
0 讚好
0 留言
題外話/補充資料：
下單食物包括:
1. 豉油皇炒麵($65)
2. 黃金魚皮($78)
3. 脆皮炸大腸($88)
4. 酥炸桶蠔($198)
5. 志興秘制燒鵝(半隻$230)
6. 啫啫雞煲($78)
7. 馬拉盞炒芥蘭($78)
8. 避風塘釀茄子($78)
9. 生炒骨($78)
評分 💯 (5分為滿分)
味道 : 👍👍👍👍 👍 (神級大排檔唔講得笑)
性價比 : 💲💲💲💲💲 (價錢同質素係非常合理)
環境：🌴🌴🌴 (場地夠哂大夠哂大排檔氣氛，要靚場地裝修就幫你唔到)
服務態度：🗿 🗿 🗿 (員工ACTION夠哂快，出餐又夠快，大排檔禮貌招呼就比唔到你啦)
敗北地方：其實無，就算有都係雞蛋里挑骨頭。
(以上食評乃用戶個人意見 , 並不代表OpenRice之觀點。)
張貼
