駿景軒 (已搬遷) 新店位置

今個禮拜六有朋自上海來，相約食brunch。跑馬地坐得舒服嘅地方唔多，朋友提議西式Jasper，但我覺得麻麻地。正唔知點算。。。一於番叮飲茶brunch！跑馬地英皇駿景酒店一樓以前去過食點心但一般以打四川火鍋居多。睇Openrice食評唔多（5個笑面）但飲茶部份都OK。於是一試。十一點開都算早。我哋喺第一枱。連招快打，叫咗豉汁篜排骨，蝦餃，魚翅湯餃，脆皮蘿蔔絲腸粉 。再加馬拉糕，叉燒飽，娥姐篜粉果，糯米雞。首先講服務。不錯。有禮貌。仲有值得讚佢哋waiter嘅地方－所謂見微知著－我tick咗幾樣嘢，落單時漏咗馬拉糕。小事，通知伙記加番。伙記來單時寫“馬拉糕（速上）”（見圖）。雖然漏單喺佢責任，但我毫無責備嘅意思！呢啲就叫“服務”。 喺國內硬件建設贏哂，但服務始終跟唔上。軟件建設喺精神文明，起幾多條高鐵都唔可以替代！言歸正傳，講返啲嘢食。感覺份量足。排骨有肉（我真喺食過啲肉少得可憐嘅肉排！）、糯米雞比名快餐集團“大XX”嘅“一哥糯米雞”好，有原粒瑤柱。脆皮蘿蔔絲腸粉喺用油炸鬼做餡，軟、脆兼備。馬拉糕亦是用古法做。各種點心都有水準之上。可能佢嘅四川火鍋比較有“朵”，所以飲茶點心被忽略。三個