影片
更多
2009-04-15
41 瀏覽
噚日一行十四人去咗南丫島，本來諗住去索罟灣食海鮮做lunch但係趕唔喥船期唯有去榕樹灣，咁就俾咗個「機會」呢間黑店喇！本來同個伙計講話預每人七、八十蚊budget叫佢同我哋寫餸，點知佢已經好粗魯咁話：「咁得炒粉麵飯咋喎！不如您哋自己睇餐牌啦」於是我哋睇餐牌叫嘢食，都已經發覺唔係太抵食，但叫做坐低咗，咪諗住叫幾個餸，食少少，再戰街頭小食囉！以下係我哋叫嘅嘢食，全部係"中"，即係唔係例牌：炒蟶子 - $168 (佢落單講明價錢，但無講明份量係咁少 -- 得十八隻好似尾指咁大隻囉！)福建炒飯 - $120 (真係！份量得嗰啲茶樓碗六、七碗喥，仲要咪裝滿先係喎！)生炒骨 - $98 (好似係)粉絲雜菜煲 - $98 (好似係) (嘩！個煲勁大，面頭有兩個蕃茄切開晒舖面，跟住下面啲餸勁少，大佬！菜都咁孤寒？就住食 -- 「係就住食！」每人應該有兩條菜同一匙羹粉絲嘅)椒絲腐乳通菜 - $85 (好似係) 呢個份量最多，每人有一碗喥星州炒米 - $88 (好似係) 每人又係得嗰啲茶樓碗六、七碗喥，仲要咪裝滿先係喎！淨米粉一碗 - $15、汽水一罐 - $15 (唔駛咁搶狂呀！)上面六樣嘢加埋米粉一碗
本來同個伙計講話預每人七、八十蚊budget叫佢同我哋寫餸，點知佢已經好粗魯咁話：「咁得炒粉麵飯咋喎！不如您哋自己睇餐牌啦」
於是我哋睇餐牌叫嘢食，都已經發覺唔係太抵食，但叫做坐低咗，咪諗住叫幾個餸，食少少，再戰街頭小食囉！以下係我哋叫嘅嘢食，全部係"中"，即係唔係例牌：
炒蟶子 - $168 (佢落單講明價錢，但無講明份量係咁少 -- 得十八隻好似尾指咁大隻囉！)
福建炒飯 - $120 (真係！份量得嗰啲茶樓碗六、七碗喥，仲要咪裝滿先係喎！)
生炒骨 - $98 (好似係)
粉絲雜菜煲 - $98 (好似係) (嘩！個煲勁大，面頭有兩個蕃茄切開晒舖面，跟住下面啲餸勁少，大佬！菜都咁孤寒？就住食 -- 「係就住食！」每人應該有兩條菜同一匙羹粉絲嘅)
椒絲腐乳通菜 - $85 (好似係) 呢個份量最多，每人有一碗喥
星州炒米 - $88 (好似係) 每人又係得嗰啲茶樓碗六、七碗喥，仲要咪裝滿先係喎！
淨米粉一碗 - $15、汽水一罐 - $15 (唔駛咁搶狂呀！)
上面六樣嘢加埋米粉一碗同汽水一罐要$657呀！我覺得唔抵囉！好似好多碟但全部份量都係少到要配給咁！
另一過份係茶芥 - $100 FOR 14個人，唔知係點計出嚟，放低三碟花生就收咁貴！
仲要加一喎！完全係十個氣頂呀！成張單加加埋埋係$681.3，我同朋友講佢收得加一仲要咁貴，無理由俾貼士，我哋俾足$681.3就走人
我上次食隔離"舢舨"都無咁過份呀！
完全黑店！本來張單影咗相，但頭先唔覺得delete咗！
我覺得應該俾消委會處理囉！喺遊客區咁搶狂點推廣香港旅遊呀！
張貼