影片
更多
2024-09-30
331 瀏覽
約咗「提過193間cafe幾好食」嗰位朋友睇《我談的那場戀愛》，睇戲前當然去食飯啦！ 佢話要食193cafe，叫我畀多次機會佢，仲畀好大勇氣我，最多一齊伏，結果真係一齊伏。😓 今次無海景位，坐咗入面圓枱，張大凳幾舒服。入座時，得3成客，但都係用餐完坐下。入座後只多一對情侶客。好快手落咗單，諗住拿拿林食完去戲院打卡。 吉列厚切豬扒溫泉蛋蓋飯($148)呢個第一個上，珍珠飯無溫度，溫泉蛋合格，吉列豬扒不過不失，唔乾但又唔係好juicy，實屬一般。 炸薯條配黑松露沙律醬($48)出色！薯條夠熱，夠脆，黑松露沙律醬夠濃！呢個推介 士多啤梨忌廉芝士法式西多士($88)呢個就出大事啦！本身想叫青蘋果卡達拉娜法式西多士，落單時侍應話賣哂，ok，唔緊要，咁見其他人啲相都幾靚仔，就轉咗士多啤梨。 menu提醒咗「需時20分鐘製作」，計過數，落單先1820，完全夠時間慢慢食，叫佢可以即上。 1900見唔對路，問佢個甜品仲未有，如果未整就取消啦。瘦瘦地戴眼鏡嘅男仔幫手入廚房問，話唔好意思，因為即叫即焗，所以要耐少少，廚房已經整緊。ok，咁等。結果食完飯同薯條，呢個遲遲都未見影，1910再催咗佢一次。我：搭4
佢話要食193cafe，叫我畀多次機會佢，仲畀好大勇氣我，最多一齊伏，結果真係一齊伏。😓
今次無海景位，坐咗入面圓枱，張大凳幾舒服。入座時，得3成客，但都係用餐完坐下。入座後只多一對情侶客。好快手落咗單，諗住拿拿林食完去戲院打卡。
吉列厚切豬扒溫泉蛋蓋飯($148)
呢個第一個上，珍珠飯無溫度，溫泉蛋合格，吉列豬扒不過不失，唔乾但又唔係好juicy，實屬一般。
炸薯條配黑松露沙律醬($48)
出色！薯條夠熱，夠脆，黑松露沙律醬夠濃！呢個推介
士多啤梨忌廉芝士法式西多士($88)
呢個就出大事啦！本身想叫青蘋果卡達拉娜法式西多士，落單時侍應話賣哂，ok，唔緊要，咁見其他人啲相都幾靚仔，就轉咗士多啤梨。
menu提醒咗「需時20分鐘製作」，計過數，落單先1820，完全夠時間慢慢食，叫佢可以即上。
1900見唔對路，問佢個甜品仲未有，如果未整就取消啦。
瘦瘦地戴眼鏡嘅男仔幫手入廚房問，話唔好意思，因為即叫即焗，所以要耐少少，廚房已經整緊。ok，咁等。
結果食完飯同薯條，呢個遲遲都未見影，1910再催咗佢一次。
我：搭4落單，依加已經7點2，你哋寫20分鐘。
佢：真係唔好意思，好快好快。
結果1920先上
最離譜係，上甜品嗰陣，另一個戴眼鏡較大隻嘅仔男侍應先講：cream chesse無哂，所以轉咗蜜糖畀你
我：吓？你依加先講？(我內心：睇中佢有cream cheese先叫，依加完全違反商品說明條例)
佢：係呀，唔好意思。然後就走咗...
我當刻覺得好離譜，朋友話算，快啲食完去睇戲。
一食，個西多士凍嘅，完全唔熱，係雪櫃嘅溫度。請問即焗係邊？
埋單時，係戴眼鏡瘦瘦地男仔收錢
我：個西多士凍嘅，同埋你哋配料無貨，應該一早講，落單後先發現都可以講同問轉唔轉其他，而唔係上菜嗰陣要客硬食。真心好差
佢：真係唔好意思 (但無話要改🙂)
總結2次用餐體驗
呢間cafe，咖啡掂，甜品就不了，主菜可接受。今次食大部分食物都係翻熱，都做得唔算好好
朋友係193 fans，佢叫我唔好post今次，sorry。作為消費者，完全覺得咁嘅服務係不可接受。
如果要做得長+非fans客，出品要改善，員工要培訓。
(好老實，將心比己，侍應哥仔出街食飯，叫A餐結果上B餐，會有咩感受？)
張貼
