滋味屋日本家庭料理 (已結業)

其實D2 place 𥚃𥚃外外都係大餐廳同cafe，忽然有一間葵涌廣場小食鋪格局既小店，個反差係好大，好奇心一起就想試小店幾乎冇堂食位置，開盡檯應該得十個位，想試既朋友可考慮外賣。小店既menu 好簡單，賣點係即叫即做，嗌左個滑蛋鰻魚飯，聽講招牌菜有三個，都係有鰻魚既，於是就揀個試下小店得店主（應該係）一個負責所有野，見佢收完我錢，就即刻番後廚盛飯，拎出鰻魚切粒，又去煮個滑蛋汁，真係望落都覺粒粒皆辛苦，唔怪得叫家庭料理，真係一力主理所有野大約6.7分鐘，上檯，奉送一碗麵豉湯。賣相，係絲毫不吸引既，好似兜亂河粉咁。不過係好食 滑蛋汁岩岩煮落，加上熱珍珠米飯，唔小心真係會燙傷咀。成個飯重點係個汁，有落洋蔥，日本醬油，味道好好，配上肥美既醬燒鰻魚粒，食落好滋味唔夠食可以去買幾個冷盤食，小店有一堆預先整好左既冷盤俾你配主菜，實夠食。講真，呢個價與其食快餐，不如支持下小店，質素係物超所值既