影片
更多
2010-01-10
166 瀏覽
唔係大佬極力推介,抵食又好食,睇門面,經過都唔會入去幫襯。18:45尚早,唔係好多人,不過食食吓,90%滿。兩大豌例湯,合掌瓜湯,好有住家味道,不過出外食野,點住家feel,都會略咸少少。唔知叫咩名花蛤,但似是潮式做法,有肉碎、芹菜、酸菜熬湯,煮熟花蛤。花蛤大隻,而且沒煮過火,好有鮮味。湯也有著蛤甜,好好食!(但湯咸左D)豉油皇大蝦,拉油後也不太油淋淋,豉油皇味道啱啱封著大蝦,大蝦又鮮甜,非常好食!紅燒豆腐,一碟咁普通的餸,也做得很出色!豆腐沒有容易被夾爛,薄薄一朕炸漿,封住整件豆腐,還有那軟綿綿的鯪魚肉,第一次感覺到釀豆腐,係連為一體架!蒜蓉灼菜心,一d都唔油。魚泡,一向怕食魚內臟,但order左,點都有佢好食之處。食左第一件,嘩!!!好柔軟的魚泡啊!同「韌」完全拉唔上關係!因為佢唔係用拉油做法,而係用水灼熟,再炆,所以好軟熟,易入口。石斑尾炆火腩涼瓜,呢碟最差。味道係ok既,但獻汁太勁,加上件石斑好韌皮,要用刀叉鋸,鋸到蓉蓉爛爛,一pet漿。涼瓜又腍晒。大佬話這裡有夜茶飲,問吓而家有無大包$11。伙計說,咁早未有。之後很勞心勞力地,幫我地入廚房睇睇,問我地要幾多個,說:「o係雪櫃攞
18:45尚早,唔係好多人,不過食食吓,90%滿。
兩大豌例湯,合掌瓜湯,好有住家味道,不過出外食野,點住家feel,都會略咸少少。
唔知叫咩名花蛤,但似是潮式做法,有肉碎、芹菜、酸菜熬湯,煮熟花蛤。花蛤大隻,而且沒煮過火,好有鮮味。湯也有著蛤甜,好好食!(但湯咸左D)
豉油皇大蝦,拉油後也不太油淋淋,豉油皇味道啱啱封著大蝦,大蝦又鮮甜,非常好食!
紅燒豆腐,一碟咁普通的餸,也做得很出色!豆腐沒有容易被夾爛,薄薄一朕炸漿,封住整件豆腐,還有那軟綿綿的鯪魚肉,第一次感覺到釀豆腐,係連為一體架!
蒜蓉灼菜心,一d都唔油。
魚泡,一向怕食魚內臟,但order左,點都有佢好食之處。食左第一件,嘩!!!好柔軟的魚泡啊!同「韌」完全拉唔上關係!因為佢唔係用拉油做法,而係用水灼熟,再炆,所以好軟熟,易入口。
石斑尾炆火腩涼瓜,呢碟最差。味道係ok既,但獻汁太勁,加上件石斑好韌皮,要用刀叉鋸,鋸到蓉蓉爛爛,一pet漿。涼瓜又腍晒。
大佬話這裡有夜茶飲,問吓而家有無大包$11。伙計說,咁早未有。之後很勞心勞力地,幫我地入廚房睇睇,問我地要幾多個,說:「o係雪櫃攞出黎架!其實你返去蒸10分鐘就食得!用隔水紙蓋住,阻隔倒汗水。」之後又攞埋籠底隔水紙俾我地!
大包,番屋企蒸黎過,果然好有料!始終包皮唔係即叫即做/隔夜,所以唔會特別鬆軟/驚喜。但企理的餡料有,鵪鶉蛋、菜絲、鮮蝦、雞件、火腿,而且充滿薑味!非常之好食!
睇黎,大時大節食飯,又有一個好選擇!
張貼
