影片
更多
2018-07-29
425 瀏覽
🥔香煎釀藕餅 ($118)一坐低先叫左一碟蓮藕餅，一上菜個下侍應都未放低碟餅就已經聞到好香喇。一碟藕餅有8舊，份量都幾多，特別係我地得兩小口子去食。每舊藕餅都有塊生菜鋪係底，食落即刻覺得無咁熱氣。藕餅入面都好足料，一粒粒蓮藕配上豬肉，加埋煎到啱啱好既餅面，唔會好燶。十分好食，可以當係前菜開一開個胃，之後打大佬。🐴沙嗲粉絲牛肉煲 ($118)要試到一間餐廳既水準，好多時叫個煲試下就知佢夠唔夠火喉喇。今次叫左最平民既沙嗲粉絲牛肉煲，上菜既時候都仲係熱到有泡泡，侍應都提我地係勁熱唔好掂到個煲，遠遠都feel 到佢個種熱力。個煲要有既配料都有齊曬，係唔錯既。粉絲、芽菜、金菇、菠蘿都有。牛肉都好好食，唔會太硬，又食唔出有特別用左梳打粉會加工。嗯！合格，可以繼續叫其他。🍚絲苗白飯 ($15)食得煲，識食既一定會叫碗白飯撈汁拌飯。夠曬飽肚同埋食到個煲既精粹。🐟老輝砵仔焗魚腸 ($168)黎到有特色既餐廰緊係要食番D有特色既餸喇。一聽到格離枱既食客叫哩個焗魚腸，男朋友即刻心心眼，心郁郁咁揭個menu。最終我地都叫左一個試下。個賣相十分之好。用砵仔焗直情係跟足傳統，仲要加埋油炸鬼，又香口又入曬味。好正喇
一坐低先叫左一碟蓮藕餅，一上菜個下侍應都未放低碟餅就已經聞到好香喇。
一碟藕餅有8舊，份量都幾多，特別係我地得兩小口子去食。
每舊藕餅都有塊生菜鋪係底，食落即刻覺得無咁熱氣。
藕餅入面都好足料，一粒粒蓮藕配上豬肉，加埋煎到啱啱好既餅面，唔會好燶。十分好食，可以當係前菜開一開個胃，之後打大佬。
🐴沙嗲粉絲牛肉煲 ($118)
要試到一間餐廳既水準，好多時叫個煲試下就知佢夠唔夠火喉喇。
今次叫左最平民既沙嗲粉絲牛肉煲，上菜既時候都仲係熱到有泡泡，侍應都提我地係勁熱唔好掂到個煲，遠遠都feel 到佢個種熱力。
個煲要有既配料都有齊曬，係唔錯既。粉絲、芽菜、金菇、菠蘿都有。牛肉都好好食，唔會太硬，又食唔出有特別用左梳打粉會加工。
嗯！合格，可以繼續叫其他。
🍚絲苗白飯 ($15)
食得煲，識食既一定會叫碗白飯撈汁拌飯。夠曬飽肚同埋食到個煲既精粹。
🐟老輝砵仔焗魚腸 ($168)
黎到有特色既餐廰緊係要食番D有特色既餸喇。一聽到格離枱既食客叫哩個焗魚腸，男朋友即刻心心眼，心郁郁咁揭個menu。最終我地都叫左一個試下。
個賣相十分之好。用砵仔焗直情係跟足傳統，仲要加埋油炸鬼，又香口又入曬味。好正喇已經，但原來個內裡仲正。
個蛋焗得啱啱好，唔會好老。魚腸食落去無異味，證明佢係洗魚腸既過程都好落足力。仲有埋魚肝魚膶，仲好過去食OMEGA3既Supplement。
要特別讚既係，佢仲會加左少少薑絲同埋金華火腿絲，男朋友仲話食過咁多間焗魚腸，都係第一次食到有加金華火腿咁足料。
哩個真係俾爆分。必試推介。
😋腐竹薏米糖水
最後，餐廳仲送左兩碗糠水俾我地，咁啱係我中意食既腐竹薏米糖水。唔會話超甜，甜度適中，加上有勁薏米，好有口感可以慢慢食，仲要食埋男朋友個碗。正 ！
🍵茶位 ($20，2人)
多謝茶芥加一。
張貼
