貴緣小鍋米線 (崇潔街) (已結業)

話說呢間米線係我其中一間區內經常幫襯嘅小店之一。呢排唔知點解好多唔同嘅IG同埋YouTube都有講貴緣小窩米線，見個個都寫我都湊下熱鬧。今次除咗食米線之外，仲食咗好多小食。前菜其實好多都好精彩，孜然涼皮條同皮蛋豆腐都話係推薦，雖然食過兩次但都無食呢到前菜，其實好想食蒜泥白肉因為勁多人推，但兩個人無能力食咁多，下次留名再食。個皮蛋豆腐，非常出色，用上嘅醬汁你異想不到，孜然涼皮條個孜然味好勁，涼皮條好有咬口，我以為係粉皮，問一問之後原來佢哋係豬皮，好有特色。呢度開心嘅係都有好多種唔同嘅湯底選擇，特別之前喺雲貴川先見到嘅青花椒湯。有人怕肥，無食米線要芽菜底，最正係芽菜底唔駛加錢，招牌酸辣湯加了蘿蔔，螺旋藻，秘製腩肉，後面兩者都係呢度推薦嘅餸底，秘製腩肉唔算太肥，但佢用上嘅秘製醬汁就好好食，蘿蔔鮮甜，螺旋藻基本上係好多米線舖頭嘅選擇，呢度唔使特別好貴加錢，係一個唔錯嘅選擇。青花椒麻濃湯唔係成日見到，當然要試，要了腐竹，冬菇，豬軟骨同炸醬，炸醬可以另上，配上唔算太腍而剛好的米線，佢嘅豬軟骨算非常入味，炸醬係最好的，另上之餘，味道之濃好有我最愛長沙灣個間米線嘅風格。