鴛鴦奶茶 (香港中文大學醫院)

營業中

休息中

嚟到大學站唔知食咩好，快餐店只有地鐵站的美心和中大醫院的鴛鴦奶茶。由於打算坐耐d又食好少少，便選擇了鴛鴦奶茶。入到去，光線充足，環境新淨，整潔衛生，令人感覺舒服，沒有一般醫院冷冰冰的感覺👍🏻叫咗「芝麻手撕雞配白飯」配凍檸檬柚子蜜（$90）。手撕雞有芝麻、花生、芫荽、芹菜、洋蔥。對於鍾意食雞皮嘅朋友，呢度嘅手撕雞啱晒你。手撕雞有麻油香，撈白飯唔會感覺太乾。要挑剔嘅係味道偏鹹，如果有時菜伴碟會更加好，令到碟飯唔好咁齋。手撕雞和飯的份量好多，叫咗少飯都係正常份量。除咗醫護人員，估唔到都幾多學生幫襯。由於係私立醫院，就算係快餐店都偏貴，但價錢尚算可接受範圍之內。