影片
更多
2022-05-21
664 瀏覽
第二次幫襯呢間人情味日式居酒屋老闆好熱心介紹今日有咩新鮮食材、餐牌食物同呢度獨家既清酒。仲記得，第一次黎比老闆既熱情嚇親，不過見到佢枱枱都會熱情招呼，仲越講越開心 😂 我諗呢個係佢對食物既熱情，如果大家有機會幫襯唔好比佢嚇到。今次幫襯都係叫呢個明太子玉子燒，鐘意佢蛋汁調味，清酒味好重、夠火候！趁熱食超好食！🤤我地仲叫左個雞翼做前菜，無咩特別所以無影相。然後到主菜 — 焗蠔飯 🦪呢個焗蠔飯係我地黎既目標，因為上次食完一直記掛住佢既味道，我地一人一份 💛🧡💛 隻蠔有手掌咁大，鋪上米飯粒粒分明、好有咬口（老闆話佢用既係越光米）加埋佢個調味醬同頂頭塊芝士OMGGGGGGGGGGGGGG … 真係要叫聲「好好味啊！！！」最後聽老闆推介叫多左個海鮮烏冬。本身覺得烏冬之嘛，可以有咩咁特別？不過見佢落力推，又唔貴就試下。上菜覺得碗烏冬其貌不揚，有兩隻蝦同mini帶子咁樣，但原來主角係烏冬本身！由烏冬既外表睇得出佢係手造烏冬，因為每條烏冬都頭尾都有粗糙嘅切痕，食落軟糯，好有咬口！真係唔係坊間可以買到嘅烏冬！細問之下，老闆話係專程喺日本鄉下訂返嚟，個供應量非常之少。本身仲諗住可唔可以幫襯買幾個生麵番去自己
老闆好熱心介紹今日有咩新鮮食材、餐牌食物同呢度獨家既清酒。仲記得，第一次黎比老闆既熱情嚇親，不過見到佢枱枱都會熱情招呼，仲越講越開心 😂 我諗呢個係佢對食物既熱情，如果大家有機會幫襯唔好比佢嚇到。
今次幫襯都係叫呢個明太子玉子燒，鐘意佢蛋汁調味，清酒味好重、夠火候！趁熱食超好食！🤤
我地仲叫左個雞翼做前菜，無咩特別所以無影相。
然後到主菜 — 焗蠔飯 🦪
呢個焗蠔飯係我地黎既目標，因為上次食完一直記掛住佢既味道，我地一人一份 💛🧡💛 隻蠔有手掌咁大，鋪上米飯粒粒分明、好有咬口（老闆話佢用既係越光米）加埋佢個調味醬同頂頭塊芝士
OMGGGGGGGGGGGGGG … 真係要叫聲「好好味啊！！！」
最後聽老闆推介叫多左個海鮮烏冬。本身覺得烏冬之嘛，可以有咩咁特別？不過見佢落力推，又唔貴就試下。
上菜覺得碗烏冬其貌不揚，有兩隻蝦同mini帶子咁樣，但原來主角係烏冬本身！由烏冬既外表睇得出佢係手造烏冬，因為每條烏冬都頭尾都有粗糙嘅切痕，食落軟糯，好有咬口！真係唔係坊間可以買到嘅烏冬！細問之下，老闆話係專程喺日本鄉下訂返嚟，個供應量非常之少。本身仲諗住可唔可以幫襯買幾個生麵番去自己煮，睇個款都無得買啦 😆
總結，食物質素高，同埋係全部都用心製作
總結完食物，就輕輕講下服務同環境啦～
服務就只老闆一個人 😂 侍應同廚師都係佢，所以上菜比較慢，所以要唔趕時間先好黎。同埋今次我地去Wifi壞咗，無得收卡，要去銀行提款比現金。
環境唔錯，還原日本居酒屋既Vibe，我地同隔離枱都有一塊隔布擋一擋，講野都唔會比隔離聽到咁應聲。目測都好多情侶或者認識中既男女黎幫襯，坐得Close之餘都好似有個屬於自己嘅空間咁，追女仔格局一流。 😏
張貼
