James Suckling Wine Central

營業中

休息中

呢日約咗幾個識飲識食嘅朋友，傾吓生意大計，大家揀咗去中環蘇豪區，一間好特別嘅西餐廳餐廳，都幾難搵㗎，喺蘇豪區一幢新嘅大廈裏面，仲要上多一層，私隱度好高，餐廳設計簡約得嚟都幾有貴氣，好明顯係主打靚酒，原來佢係亞洲最具影響力嘅酒評家 James Suckling 主理嘅，佢揀嘅酒當然都係受歡迎嘅葡萄酒啦。今次我哋係晏晝去傾嘢食下午茶，所以就唔係嗌咗好多嘢食，只係嗌咗一啲三文魚啦、炸雞翼啦、炸薯條啦等等，攞嚟配襯美酒，朋友揀咗支酒都好特別，佢話完先幾年前係賣緊八百幾蚊，而家市場已經買到就五千幾蚊，嘩！原來葡萄酒係可以有咁高嘅升值潛力嘅，真係值得學習，有機會要嚟試下個晚餐試下 Wine Paring 先。