汀汀烤活魚 (已結業)

好耐冇食過烤魚，天氣凍凍地最適合食熱嘢。見到呢間既店鋪招牌好有特色，入到去都有唔少人係度食，簡簡單單嘅裝飾，充滿魚鍋既味道。豆豉味烤魽魚鍋一上枱就聞到味道，豆豉味係有少少既辣，不過都只有小小姐，相信唔係好食得辣既人都食到。個魚鍋唔算好深底，就咁用筷子夾都好方便。要留意嘅係條魚只有八成熟，要繼續煮。煮多5分鐘左右，就可以食啦。魚肉嫩滑，重點係好入味！呢個魚鍋有好多配料，好多蔥、豆豉、蒜頭等等，好多都係勁索味嘅配料。我哋一邊食一邊煮，個魚鍋都冇哂湯，抵讚位係，見到staff都係加魚湯，令魚鍋既味道更濃。二人肥牛食個魚鍋梗係唔夠喉，我哋叫咗二人肥牛。見到牛奶線條分明，花紋好清晰，勁吸引！煮幾秒就食得，有啲似打邊爐咁。響鈴每次叫烤魚必叫食物，響鈴。可以索晒啲湯底，今次仲係魚湯底，有條魚係度煮到啲湯底，好濃郁，感覺更加正。時菜平時係出面叫菜，都好驚唔新鮮加污濁，今次見到全部都好新鮮，鮮綠飽滿。烏冬打邊爐最鍾意食稻庭烏冬，貪佢夠彈性，煮極都唔爛質感好。打邊爐，難免會口渴，呢度既飲品都有唔少既選擇。