武館 (已結業)

今年秋刀魚失收，好多地方食到嘅日本秋刀魚刺身都好瘦，完全冇油香，好似緊一舊普通魚生咁。過份到連新鮮北海道嘅秋刀燒到熟食都唔好食。為左繼續尋找好食秋刀魚，今天來到武館，終於食到 2017 年第一條肥美秋刀。一上枱見到其厚厚嘅脂肪，即刻流晒口水。呢到除左跟薑蔥醬油，仲跟多左一碟武館獨有嘅秋刀魚肝醬，只要點少少又將秋刀提升到另一個層次。成個 Omakase 一共食左 22 道菜，菜式晚晚都有少少唔同，只有一個餐同冇得散叫，晚市人頭 $1200 一位，性價比甚高。