蛇王燊

營業中

休息中

秋風起，一班同事都想去補補佢，為身體打個底。所以就去左灣仔最出色食蛇的蛇王去食個蛇羹！我點左最鍾意的套餐組合「蛇羹+蛇湯+田雞煲仔飯」。煲仔飯其實重有好多種，例如臘味飯丶滑雞飯丶蛇腩飯等等，但係田雞飯係我的至愛！點完餐就去左對面大廈2樓的露天天台度等食，好有風味。裝到超滿的蛇羹非常足料，蛇肉一絲絲唔會硬，木耳夠爽口，口感非常好。勁鍾意佢台面任食的蛋散，同蛇羹真係一個無得輸的組合。食完岩岩好煲仔飯黎到，再焗佢一陣，貪佢有飯焦。飯已經調左味，所以唔需要用到台面上的煲仔飯醬油。田雞肉勁鮮甜，肉質好爽口，每舊田雞肉都好脹卜卜，夠哂肥美。而且田雞每舊都好乾淨，証明店家好用心處理食材。冬菇肉質都好厚，菇味好香。食到最底有少少飯焦，脆卜卜勁惹味。食完個飯重有一個蛇湯，有少少杞子同藥材煲，甜甜地又消膩，一個美好的句號！