蛇王海

營業中

休息中

近十年都有持續幫襯大埔墟嘅呢間蛇王海，貪佢算就腳，而且食飽仲可以行下四條里先返歸。大蛇套餐($105)有大蛇羹同糯米飯，蛇羹套餐送蛇湯。蛇羹好多料，有蛇肉絲、豬肉絲、木耳絲等等，味道唔錯(係咸咗啲)、蛇肉都唔少。薄脆任食，因為真係好夠脆而且無油"益"味，真係食咗唔少。糯米飯雖然無咩餸，但味道都唔錯。蛇湯應該係藥膳雞嗰款湯，黨蔘味好濃，熱辣辣好保暖。兩個人當午餐都叫勉強夠食。今次幫襯，招牌同店面都整過，主理嘅又係兩個後生仔女，可能係二代，想繼續父母經營咗幾十年嘅心血。