花見月 (已結業)

假日踩單車踩到科學園金蛋附近，就開始肚餓啦！望下錶都成一點幾，係時間搵吓嘢食，喺科學園入面見到依間日本餐廳冇乜人，就入咗去試吓啦！入到商場，依間餐廳分開兩面，一面行快餐路線，一面行高檔路線。我地當然要快靚正，快d醫完肚就繼續踩去大埔方向🚲🚲。快餐果面，選擇都幾多！最後決定試下個魚生飯，午市$54，依個地方收依個價錢真心唔係貴！比預期中有驚喜，每款魚生都有兩片，而且好新鮮，喺科學園入面，依個魚生飯真係抵食，出面市區都唔只依個價！ 但係飯量比較少，女生食就岩岩好，男生就有機會唔夠飽啦，仲要踩左半日單車先黎到補給能量😆