多利蘿瑪排骨之家 (已結業)

有張主餐買一送一 coupon, 襯亞仔呢個星期無咁忙，決定星期六同佢嚟食晚餐。早幾日打電話嚟訂枱，訂 6:30 pm, 接電話的事先聲明要 8 pm 交番張枱，當然無問題喇。去到可能時間尚早，只有兩三枱客，清清靜靜，方便傾偈，幾好。法包配香草牛油 : 有兩條法包，麵包仍有微温，頗脆口，塗上香草牛油，牛油味唔係好濃，但也不錯 Baby back ribs (full slab) ($198) : 有12 條骨，肉質好腍，唔駛點用力已可將骨、肉分開，啲醬汁好好味，甜甜地，老公一邊吃，一邊讚不住口。另配咗亞仔至愛嘅薯條及酸酸地好開胃嘅沙律，可惜已經無得揀配焗薯，因為我以前同朋友食過配焗薯，個焗薯超級好味8oz特選牛柳配蘑菇汁($208): 點菜時女侍體貼地提議我地唔好再揀薯條，選 broccoli or green beans 比較健康，最後我地揀咗 beans. 牛柳要咗七成熟，肉質嫩滑，亞仔就比較喜歡這個主菜。由於我地一陣打算去Häagen-Dazs買雪糕，所以就無叫甜品了。用咗張優惠券，埋單 $248.60 八點鐘我地走嘅時候，仍有七、八成枱係無客人坐嘅。