影片
更多
2019-09-28
584 瀏覽
每次同一大班朋友食飯，都會煩惱去咩餐廳可以坐到咁多人之餘，又唔洗等好耐位。諗黎諗去，都係食下放題火鍋類既餐廳係最佳之選～平時多數都係喺朋友屋企打邊爐，但今次大家都懶買野同洗野，決定出去食～我地去到油麻地地鐵站附近既「滾喜」，佢地既店鋪好大間，包保多多人都坐得落，仲好寬敞舒適添～ 我地7 點過少少黎到，好快就坐滿食客。餐廳好闊絡，非常開揚，亦都好通風～ 唔洗驚焗住一身火鍋味，睇落可以容納好多食客，而且餐廳內既軟座椅幾舒服，大家可以慢慢享用放題晚餐 😍開始起筷前，我地要自己調味先。佢地既調味料款式好多，全部都係自家製，有品質保證。我個人比較中意蒜蓉、辣椒同埋蔥，加埋醬油之後，就聞到陣陣幽香 😙不久，店員就端上一個鐵鍋，裡面放滿秘製麻辣雞塊、洋蔥、芫荽同辣椒🌶️。雖然麻辣雞煲興起多時，但今次係我第一次食雞煲。原來食完雞煲之後，會直接用同一個鍋打邊爐！因為我地都唔係太食得辣，所以點左BB 辣，希望可以淺嚐辣雞煲既滋味。「滾喜」既雞塊十分足料，食極都食唔完。雞塊既味道香辣惹味，辣得好過癮，而且雞肉肉質鮮嫩，加上香口既紫洋蔥調味，真係好唔錯～食完雞煲之後，就開始火鍋放題，不過其實當時已經有五成飽 😂
我地去到油麻地地鐵站附近既「滾喜」，佢地既店鋪好大間，包保多多人都坐得落，仲好寬敞舒適添～
我地7 點過少少黎到，好快就坐滿食客。餐廳好闊絡，非常開揚，亦都好通風～ 唔洗驚焗住一身火鍋味，睇落可以容納好多食客，而且餐廳內既軟座椅幾舒服，大家可以慢慢享用放題晚餐 😍
開始起筷前，我地要自己調味先。佢地既調味料款式好多，全部都係自家製，有品質保證。我個人比較中意蒜蓉、辣椒同埋蔥，加埋醬油之後，就聞到陣陣幽香 😙
不久，店員就端上一個鐵鍋，裡面放滿秘製麻辣雞塊、洋蔥、芫荽同辣椒🌶️。雖然麻辣雞煲興起多時，但今次係我第一次食雞煲。原來食完雞煲之後，會直接用同一個鍋打邊爐！
因為我地都唔係太食得辣，所以點左BB 辣，希望可以淺嚐辣雞煲既滋味。「滾喜」既雞塊十分足料，食極都食唔完。雞塊既味道香辣惹味，辣得好過癮，而且雞肉肉質鮮嫩，加上香口既紫洋蔥調味，真係好唔錯～
食完雞煲之後，就開始火鍋放題，不過其實當時已經有五成飽 😂 店員幫我地加入火鍋湯底，然後蓋上蓋等佢滾起～
「滾喜」食物種類多不勝數，淨係呢啲點餐紙，都已經有7、8 張，仲未計出面既飲品bar。我地分頭行事，有啲人負責睇呢啲餐紙，有人出去拎野飲 😎
美國安格斯牛 🐮🥓
重頭戲安格斯肥牛出現喇，呢碟肥牛切得好薄，所以非常易熟。我地放左佢落鍋半分鐘 就已經食得 😋 牛肉既味道好鮮美 食到我地lam lam 脷～
再黎一碟精選豚肉 同樣好薄身 睇落幾新鮮 質素好唔錯～😍 豚肉冇肥牛咁重油香味 反而食落比較清新 怕肥膩既人 豚肉係一個唔錯既選擇 🐖
第一波我地點左大量肉類，有美國肥牛、西班牙黑毛豬肉片、羊肉片等等，質素真係好好，冇雪藏既異味。
「滾喜」既海鮮同魚片都有好多種類，我地每樣都點左少少試下。圖中既魚片雖然有少量細骨，但好爽口彈牙，鮮味十足～🐟
蜂巢豆腐
軟豆腐、硬豆腐食得多，蜂巢豆腐係第一次試。原來蜂巢豆腐多數用硬豆腐製成，豆腐內部呈蜂巢狀，佢會吸收大量湯汁。我地放入火鍋幾分鐘後撈起，佢變得好重😂 一咬開就流出火鍋湯汁，食落口感非常豐富，好似千層糕咁，可以見到內部既蜂巢網狀 🤪
飲品方面，真係可以話係包羅萬有! 上面呢張圖既雪櫃有十款以上既飲料，全部野飲都冇重覆。食完雞煲要下一下火，所以我同朋友都決定揀啲健康飲品。
我地第一輪選擇左仙水果凍飲料同埋烏龍茶，希望可以降一降火，清涼解毒。
後來我地發現原來有餐廳自家製既茅根竹蔗汁，更加天然健康，飲落清甜解渴🎍👍🏻我同朋友都覺得今餐好滿足 岩曬大食既我地😜 服務員好熱心 又會加湯同埋幫我地清理碗碟 好貼心～ 下次有機會再帶朋友去食過 ☺️
張貼
