忠記咖啡屋‧私房菜 (已結業)

是晚私房靚湯係霸王花。個人推介-$90半隻滋味口水雞(無骨)。 第一喜愛佢係無骨,第二係因為佢雞肉夠嫩滑,第,三係個口水汁獨特,有用豆豉﹑蒜等等整成,惹味得黎帶D辣。$78咕嚕明蝦球。大讚炸粉極少,而蝦肉夠彈牙可口,酸甜味道合宜~$65三色蒸滑蛋。呢款菜係家既感覺,細個好鐘意食,大個屋企人無咩點整,而出面好少地方有得食。佢既蛋蒸得夠滑,而材料平均,伴飯一流。$70椒鹽土雞球。賣相無特別,但味道粒粒都夠晒好味,份量估唔到有咁多粒,最後食唔晒要拎走~忠記咖啡屋‧私房菜係好有高檔茶記Feel,價錢同食物質素成正比,菜式選擇眾多,環境夠舒適,好適合大大班同事/朋友黎食晚飯。如果係想訂私房菜,記得早D打去預訂~忠記咖啡屋‧私房菜地址:銅鑼灣渣甸街50號渣甸中心1樓電話號碼:25772242營業時間:星期一至六07:30 - 22:30;星期日及公眾假期11:00 - 22:30