聖安娜餅屋

營業中

休息中

同小朋友到荔枝角做啲事，原本以為自己有充足嘅時間可以先去嘆下個下午茶再去做嘢，點知望望個錶原來得返十五分鐘，唔好話慢慢嘆下午茶，恐怕連等個餐嘅時間都唔夠啵！於是就喺當時最近自己嘅麵包店買兩個包頂住先，一入間聖安娜，真係有啲嚇親，只係下午兩點三到，好多麵包架上已經係空空如也，唔知嘅以為佢哋就快要打烊；只係得返近門口嘅幾個架上有麵包可買，望左一輪後，小妹要左個香酥吞拿魚條，而小朋友自己揀左個沙律雞肉腸包。行出店舖，小妹要一邊趕路一邊咬埋個包，個香酥吞拿魚原來係空氣包，中間好多位係空心的，味道有啲似牛角包，下層有層薄薄的吞拿魚碎，乾身，魚的味道唔算濃，但帶啲辣辣地，令個包加添左幾分惹味不過食完個包都好似冇食嘢咁