影片
更多
2023-10-11
548 瀏覽
Soy Egg 🥚同9 Flag 🏳️經過美孚順路搵下野食，一於就拜會下PHI呢間出名梳乎厘班戟既café啦😋必試: 梳乎厘班戟🥞 抹茶鮮奶🍵環境🌟：4 / 5食物🍽️：4 / 5服務🧑：4 / 5價錢💰：人均$250是但總結: 店內環境非常舒適，睇得出食物擺盤有放心機，打卡一流👍🏻我哋叫咗個二人餐dinner set ($368) ，包兩款前菜、兩款主菜同一款pancake，性價比都OK。Café黎講食物質素做得唔錯，人氣梳乎厘Pancake值得一試😍是但食評🌟💬✰ 黑椒牛肉沙律🥩 跟餐配既一道前菜，味道有啲似🍖火腿同埋有啲乾🥲✰ 吞拿魚他他 🐟 另一道前菜，吞拿魚碎放係一堆沙律菜上，跟我想像中既”他他”有啲出入…..應該改名為「吞拿魚沙律」🤔✰ 蘆筍雞扒意大利飯🍗 雞扒煎幾得香，意大利飯質地偏軟，可能係為咗迎合番東方人口味，但每粒米飯仍然分明可見。醬汁充滿蘆筍既味道，同飯既比例啱啱好，所以唔會太膩。✰ 油漬蕃茄烤吞拿魚扁意粉🍅🐟吞拿魚烤成半生熟，烤完後仍保留咗魚生既口感，唔會太乾。蕃茄汁底唔只有單純既蕃茄味，另外加咗少少梅子，帶點點微酸既味道，配合得幾開胃。扁意粉軟硬適中，醬汁同意粉整
必試: 梳乎厘班戟🥞 抹茶鮮奶🍵
環境🌟：4 / 5
食物🍽️：4 / 5
服務🧑：4 / 5
價錢💰：人均$250
是但總結: 店內環境非常舒適，睇得出食物擺盤有放心機，打卡一流👍🏻我哋叫咗個二人餐dinner set ($368) ，包兩款前菜、兩款主菜同一款pancake，性價比都OK。Café黎講食物質素做得唔錯，人氣梳乎厘Pancake值得一試😍
是但食評🌟💬
✰ 黑椒牛肉沙律🥩
跟餐配既一道前菜，味道有啲似🍖火腿同埋有啲乾🥲
✰ 吞拿魚他他 🐟
另一道前菜，吞拿魚碎放係一堆沙律菜上，跟我想像中既”他他”有啲出入…..應該改名為「吞拿魚沙律」🤔
✰ 蘆筍雞扒意大利飯🍗
雞扒煎幾得香，意大利飯質地偏軟，可能係為咗迎合番東方人口味，但每粒米飯仍然分明可見。醬汁充滿蘆筍既味道，同飯既比例啱啱好，所以唔會太膩。
✰ 油漬蕃茄烤吞拿魚扁意粉🍅🐟
吞拿魚烤成半生熟，烤完後仍保留咗魚生既口感，唔會太乾。蕃茄汁底唔只有單純既蕃茄味，另外加咗少少梅子，帶點點微酸既味道，配合得幾開胃。扁意粉軟硬適中，醬汁同意粉整體搭配得唔錯。
✰ PHI x Godiva 朱古力梳乎厘班戟🍫🥞
最期待既招牌菜梳乎厘班戟，果然無令我哋失望😋梳乎厘上碟既樣已經好靚仔，入口時蛋白空氣感十足，就算食完頭先啲正餐都唔覺好heavy。梳乎厘本身既甜度適中，再加上朱古力雪糕都唔會太甜膩。不過，如果食埋另外配上既三粒朱古力就有啲over，但既然係Godiva朱古力，食多兩舊都無妨！
✰ 抹茶鮮奶🍵
抹茶味非常濃郁，飲落好順滑。好小café會沖到咁濃厚既抹茶鮮奶,，因為主打都係咖啡。實在令人驚喜，完全可以一飲而盡！
張貼
