香港01空間 (已結業)

經過咗十萬次嘅cafe，終於的起心肝去試一下。 其實入面有位坐，不過takeaway有85折，所以就買走一個set lunch返office食。 最值得一提嘅係佢外賣嘅package， 有一大個靚靚紙袋裝住一個set lunch。 原來一個set lunch包一個嘢飲，同埋沙律，沙律係排得好整齊，包紅菜頭，藜麥，粟米，生菜同埋柚子汁， 為邪惡嘅煙三文魚carbonara添上多一分健康。 不過我建議大家買完外賣之後，就盡快食個意粉。我食嘅時候，個意粉可能凍咗，非常之硬， 所以我會畀多次機會佢，喺餐廳入面食，睇下食物嘅水準。