茶米 (太古廣場) (已結業)

裝潢五顏六色，枱同枱之間較一般茶記遠，講秘密唔怕俾人聽到🤭試業期間，堂食免加一，但今次太飽，試下飲品算。<<夏枯草珍珠白桃烏龍>>KiKi麵呢排好hit，可能好多人都食過，但KiKi 茶你又試過未呢? 今日去試左呢杯夏枯草珍珠白桃烏龍，微甜嘅白桃味配合甘醇嘅烏龍茶，餘韻令人回味，夏枯草珍珠同個茶好夾，味道唔會好似平時食嘅黑糖珍珠咁甜，軟熟Q彈，口感好似食緊軟糖，連一向唔係特別鐘意食珍珠嘅小編都食唔停呀! 推介推介! 其實都好想試埋嗰個川辣珍珠冬瓜茶，不過飲完嗰杯珍珠已經好飽，下次會試下好唔好味啦！