韓雅林 (已易手) 新餐廳

今日突然興起想食韓國午餐，於是一家人又再次幫襯韓雅林。每個餐都唔平，要六十至七十蚊，不過包埋8碟前菜同甜品，都唔算唔抵食。前菜：(其實每次唔同)主菜1：炒豬肉飯用泡菜炒，唔算好辣，唔錯。不過豬肉片較少，若可多幾塊肉片就好了。主菜2：炆牛肋骨煲呢個最正。牛肋骨炆得又夠「林」又入味，蘿蔔「索」汁超正。以前叫牛肋骨炆栗子煲，依家無左栗子。主菜3：燒鯖魚雖然賣相唔太吸引，但係鯖魚燒得好Juicy好香！甜品：雪糕套餐包紅棗茶、薏米水或雪糕。唔好以為送既雪糕唔好味，呢球曲奇雪糕非常重牛奶味，好好味！以前仲試過有咖啡、芒果等味道，都係一流！