佳牛美酒 (已結業)

今日朋友帶咗我去一間新開嘅樓上餐廳食飯飲酒，一開𨋢門就見到一個好大好靚嘅酒櫃，望真啲全部都係真嘅酒!左邊有個Dry-Aged Beef大雪櫃。心諗間餐廳有料到，朋友果然無介紹錯。好快就有位食飯，靚靚姐姐幫我哋嘅隨身袋放入locker，等我哋可以安心慢慢享用佳牛美酒，真係一項窩心嘅服務👍！靚靚姐姐介紹我哋食四人餐，新張期內有八五折，當然要試一試😄！原來朋友一早已經喺網上訂左兩支紅酒送到餐廳透氣先，認真夠朋友😘！但靚靚姐姐極力推介比利時啤酒俾我哋試試，平時真係好少溝酒飲，但可能環境舒服，就叫咗Round嚟試試。杯啤酒入口甘香厚身，同一般麥啤唔同🤔，睇睇啤酒成分原來有苦橙皮！如果唔係有兩支靚紅酒等緊我哋，真係要嚟多個Round! 本身好鍾意食爐邊燒，但成日都燒得太熟，浪費咗啲靚料😔！但呢度就有專人幫我哋燒同細心講解食材嘅特性，我哋只需坐定定等食，真正👍！前菜係沙律同燒北海道帶子，我鍾意呢個燒帶子嘅做法，有燒海鮮嘅風味，又有帶子刺身嘅鮮甜！之後就到燒牛牛大餐🐂。先來三款燒和牛，有日本A5和牛牛三角、牛板腱同澳洲和牛牛小排。三款和牛加上餐廳秘製醬汁係爐上輕輕一燒，真係好味到不得了😋！再加上杯透足