影片
更多
2014-11-05
2344 瀏覽
Openrice 送了戲票，去油麻地百老匯電影中心睇戲之前當然要醫肚先！之前見呢間食店做團購，睇食評又話唔錯！平均消費都幾高，但根據經驗，去食高級食店食午餐，就可以以合理價錢食到食店嘅招牌菜！1200開門，我1210左右到，只有我一個食客包場，侍應只有一個男店員，好細心幫我拉開門擋布（其實門擋布都唔長，所以覺得細心）比我坐中間卡位，每個卡位可以坐兩三人，獨立一個爐，略窄而各自有空間！食店仲有露台位，可以望到街景，燈光偏暗，中間有個大吧枱，似係居酒屋格局！地方乾淨企理！燈光偏暗，唔知係因為萬聖節關係，因為成個場都係萬聖節裝飾！坐低已比杯熱茶同醮醬料，午餐餐牌有兩張，一張定食，一張燒肉，我見一人燒肉午餐只要$88，好多食物！選擇又多！即刻落單！落好單，店員已經幫我開定爐！等咗一陣，店員先比晒啲前菜、小食、醃菜、刺身、麵豉湯比我，然後食到差不多，就將一碟我落單嘅燒肉放我面前，5片牛舌，5粒和牛，一個錫紙兜放兩件凡立貝連清酒牛油，女店員好細心講解要將錫紙兜放在爐面，等清酒滾了再反轉凡立貝！然後我就開始自己燒肉！燒肉（三選一）：蔥蒜燒上等牛舌--有5片，每片上面有蔥蒜，蔥蒜蓉偏咸，牛舌好薄，肥脂
1200開門，我1210左右到，只有我一個食客包場，侍應只有一個男店員，好細心幫我拉開門擋布（其實門擋布都唔長，所以覺得細心）比我坐中間卡位，每個卡位可以坐兩三人，獨立一個爐，略窄而各自有空間！食店仲有露台位，可以望到街景，燈光偏暗，中間有個大吧枱，似係居酒屋格局！地方乾淨企理！燈光偏暗，唔知係因為萬聖節關係，因為成個場都係萬聖節裝飾！
坐低已比杯熱茶同醮醬料，午餐餐牌有兩張，一張定食，一張燒肉，我見一人燒肉午餐只要$88，好多食物！選擇又多！即刻落單！落好單，店員已經幫我開定爐！
等咗一陣，店員先比晒啲前菜、小食、醃菜、刺身、麵豉湯比我，然後食到差不多，就將一碟我落單嘅燒肉放我面前，5片牛舌，5粒和牛，一個錫紙兜放兩件凡立貝連清酒牛油，女店員好細心講解要將錫紙兜放在爐面，等清酒滾了再反轉凡立貝！然後我就開始自己燒肉！
燒肉（三選一）：蔥蒜燒上等牛舌--有5片，每片上面有蔥蒜，蔥蒜蓉偏咸，牛舌好薄，肥脂分佈均勻！一燒好快出油，卷埋蔥蒜一齊食，咸香油香滿咀！好正！
串燒（三選一）：冬菇拼日本人蕃薯--兩件鮮冬菇好厚肉，上面灑滿木魚碎，不過我覺得燒得唔夠透，唔夠淋身！中心仲好乾！蕃薯仔三粒一串，燒得好淋，蕃薯皮煙韌，蕃薯肉好甜！一啖一粒！好似食甜品！
燒肉精選（十選二）：極上岩鹽蒜片一口牛--5粒油脂分佈幾好，不過方形幾難燒，第一粒只有三成熟！（我未掌握到技巧）之後幾粒就燒到我至愛嘅五成熟，雖然唔係入口即化！但都滿咀牛肉香！我點小小燒肉汁，唔想搶走啲牛味！一級正！
清酒牛油凡立貝：呢個要等到最後先食！因為要等到滾都要一段時間，我食晒啲牛肉都未滾，店員見我等水滾，幫我調大個火，仲同我講個凡立貝本來係熟，煮汁係要令清酒汁味道進入凡立貝！之後個汁滾食得！凡立貝全隻完整，淋身唔韌，但個汁酒味幾重，帶微苦味，可能因為凡立貝唔連殻，如果係連殻嘅，有海鮮汁流入個清酒汁會平衡啲，好味啲！
跟餐嘅食物多到嚇親我：
醋汁沙律：份量都大碗，蔬菜新鮮，種類亦好多，醋汁酸酸地，好開胃！
溫泉蛋：好大隻，好滑，一啖食咗蛋黃，好濃厚，豉油唔會過咸，好清！
醃菜：兩片黃瓜，兩枝牛蒡？咸咸爽脆，配珍珠米白飯一流！
三文魚刺身：兩片厚切，無雪味！我連埋伴碟紫蘇葉一齊食！好鮮！
麵豉湯：唔係即沖，不過個餐實在太多食物，好飽，飲到少許，有啲海帶豆腐，唔會過咸，味道正常！
珍珠米飯同麵豉湯仲可以任添，但我食得晒成個餐已經好叻！無可能再添食！
飲品：白桃乳酸--唔係加錢，係跟餐就有，加錢可升級做啤酒，乳酸味道酸酸甜甜，唔會假（唔似飲藥水）好濃，似白桃濃汁加益力多！好味！
食物真係好味！難得服務細心，好多時都會溫馨提示我要注意嘅地方！埋單仲有折！只要$84！我飽到頂住個肚走！個男店員仲送我搭𨋢！前後講了三次多謝！一個好窩心滿足嘅午餐！
張貼
