CHI Tachinomi (7號碼頭)

營業中

休息中

中環碼頭搭天星小輪過尖沙咀，喺碼頭前面見到依間新開嘅日式居酒屋。Chi Tachinomi 重點食物有鰻魚飯、土手燒（牛根煮）、串燒同少量酒精飲品。Tachinomi日語：立ち飲み，顧名思義係一個提供立飲嘅居酒屋。不過立飲立食嘅文化，喺香港始終未係咁普及，所以Chi Tachinomi 都有提供座位俾一眾食客，等大家可以坐住咁飲飲食食，同朋友風花雪月。Chi Tachinomi 最人氣食品可以話係鰻魚飯同土手燒飯。店舖所用嘅係日本米，日本米飯最迷人的地方就是黏性重、味道甜。鰻魚用秘製鰻魚汁燒好，外面脆、裡面嫩滑軟熟，唔會比一啲過江龍鰻魚飯專門店差。唔食鰻魚嘅可以揀土手燒飯。筋連腩、腩又連返筋，非常之正，再加埋個牛肉汁撈飯，可謂一絕。Chi Tachinomi提供串燒都有唔少選擇，我就食咗美國牛肉粒串燒同埋新推出嘅明太子雞翼。串燒燒得好好，火喉控制有功，唔會燒到柴哂哂，牛肉粒同明太子雞翼入口juice嫩滑。值得一提嘅係Chi Tachinomi好細心，雖然佢哋提供嘅全部都係凍飲，但見到女性客人叫烏龍茶都會問下使唔使整熱杯茶。非常之貼心嘅服務態度。