16
6
6
等級2
18
0
立冬後食碗羊腩粉補一補😋
2021-11-12 265 瀏覽
今日路經上址，本來想去附近買碗魚蛋粉，見到呢間門面光身、樓底頗高既食店，作為一個羊控，即刻比佢個店名吸引左。睇下Openrice啲相同食評，好似唔錯喎，買左碗羊腩粉外賣。見之前有食評講佢地用個罐頭型紙碗裝湯粉，今日我買既時候已經轉左用類似譚仔果種外賣碗，中間有個膠兜分隔啲粉同湯。羊腩浸係湯入面，份量唔算多，淋身、好香羊肉味帶少少膻（羊唔膻就唔食羊啦）佢個粉似係米線咁，比平時食既粗啲啲，好滑好易咬開，唔會太淋身但唔係好彈牙果種，我其實鍾意呢種多過平時啲米線。湯頭好有羊味，應該係用羊骨餚製，味道鮮甜飲左好多都唔覺頸渴。我點左小辣，但佢既辣係普通辣椒油，如果想飲多啲湯，辣另上會較好。下次要試下堂食，想試下羊夾饃
更多
今日路經上址，本來想去附近買碗魚蛋粉，見到呢間門面光身、樓底頗高既食店，作為一個羊控，即刻比佢個店名吸引左。

睇下Openrice啲相同食評，好似唔錯喎，買左碗羊腩粉外賣。見之前有食評講佢地用個罐頭型紙碗裝湯粉，今日我買既時候已經轉左用類似譚仔果種外賣碗，中間有個膠兜分隔啲粉同湯。羊腩浸係湯入面，份量唔算多，淋身、好香羊肉味帶少少膻（羊唔膻就唔食羊啦
）佢個粉似係米線咁，比平時食既粗啲啲，好滑好易咬開，唔會太淋身但唔係好彈牙果種，我其實鍾意呢種多過平時啲米線。湯頭好有羊味，應該係用羊骨餚製，味道鮮甜
飲左好多都唔覺頸渴。我點左小辣，但佢既辣係普通辣椒油，如果想飲多啲湯，辣另上會較好。下次要試下堂食，想試下羊夾饃
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2021-11-12
用餐途徑
外賣自取
人均消費
$54 (早餐)
推介美食
  • 羊腩粉