熊本牛鍋 (永勝商業中心)

營業中

休息中

尖沙咀有間樓上火鍋放題做緊優惠，都幾抵食，只要惠顧任何套餐就即刻送雞煲，而且like+share就即刻送蒸海鮮🤩咁啱有朋友生日，知道如果四人以上同行嘅話，壽星就可以免費～一開始係食咗雞煲先，雞肉都好嫩滑，醬汁夠曬惹味，份量啱啱好，唔算太多，所以唔驚食完雞煲之後食唔落其他嘢😋食完雞煲就可以加湯打邊爐🍲因為佢嘅醬汁已經好濃味，所以我就淨係加咗普通嘅豬骨湯～佢嘅牛肉同豬肉肉味都幾重，不過如果可以再嫩啲就好啦🙈除咗肉類之外，自助區都有啲嘢食可以拎😆蒸海鮮一共有五款，有鮑魚、蝦、扇貝、蚌、花甲～佢係用蒜蓉醬蒸嘅，都幾好味㗎🤤