德國廚房

營業中

休息中

喺德國住過幾年，最懷念就係佢嘅啤酒，因為真係好飲d。市場上面雖然有好多德國啤酒俾我揀，不過最多地方見到嘅E字頭同埋P字頭德國啤酒絕對唔係我嘅至愛，喺尖沙咀河內道有間德國酒吧，個德國Bartender介紹我飲呢一隻B字頭Lager，我都覺得麻麻地，反而佢介紹我一隻S字頭同埋B字頭嘅德國麥啤味道唔錯，可惜都係喺香港飲唔到我係德國最鍾意嘅福斯坦堡小麥啤，不過今日好好彩，竟然喺大埔呢一間山旮旯德國餐廳發現有福斯坦堡，一口氣飲咗三杯。福斯坦寶係德國皇家御用啤酒，我自己覺得佢嘅味道比其他牌子嘅德國麥啤高幾班，清爽得黎麥味又夠香，如果鍾意飲啤酒嘅朋友一定要試吓，不過可惜香港未見過有得飲，所以似乎我之後都要成日入大埔嘞。