蝦棧 (已搬遷) 新店位置

舖名叫「蝦棧」就梗係專門食蝦。蝦煱係台灣都其實幾popular ，但係每次去台灣都有太多美食要排住去試，所以未有機會去到品嚐一下。今年趁預祝情人節，就打破傳統唔食西餐，揀下吃台菜！奶油蝦煱，熱辣辣又香噴噴地上枱，蝦肉鮮甜，奶油味重，好歡欣😋如果不是我近期太燥，我會試胡椒蝦，我估仲正🤔等我下次再光顧先至試。出乎意外地呢個滷水炸雛鴿先至係最精彩，好野味好Juicy 🤤我自己覺得個海花螺就極普通，的確有陣陣燒烤香味，但只算平平。不過我家男人話超正🙄正係邊方面就真係見仁見智😅醉雞卷，酒味過濃，而且肉質太實，差左少少。另外，我地點左冰菜，蔥抓餅和台式烤腸。全部味道都幾好。冰菜放左一種果實一齊煮，係酸酸地，不過幾夾，好開胃😊不過提下大家，佢地出菜速度比較慢，真係要俾啲耐性去等先至可以食完餐飯。