影片
更多
2019-07-11
3532 瀏覽
由於同男朋友慶祝週年紀念想食下西餐，之前又聽過朋友仔介紹話呢間餐廳都唔錯，所以決定嚟試下！餐廳坐落於灣仔嘅一條橫街，地鐵站行去大概需要6-7分鐘左右。我同男朋友去嘅時候係星期二夜晚7:30，餐廳出面已經企滿哂嚟Happy Hour嘅人，氣氛好熱鬧！一入到餐廳，店員就帶咗我同男朋友上二樓。當晚全部枱都坐滿咗客人，所以想嚟嘅朋友仔記得book枱呀！ 坐低店員就同我地講今晚個Special係三款牛扒, 原來逢星期二係餐廳嘅 Steak Night! 價錢好實惠， 只係$200 就有牛扒、沙律同薯條食！見到好多枱都有嗌，而且份量都幾大架！不過想同男朋友試下啲唔同嘢所以就冇嗌，但係鐘意食牛扒嘅記得唔好錯過！我地嗌咗 Crispy Pork Belly Salad做appetizer, mains就嗌咗 Overnight BBQ Ribs with Truffle Fries同埋Duck Leg & Waffle。首先，個Crispy Pork Belly Salad真係有驚喜，啲pork belly食落有少少似風乾咗嘅豬肉但係又帶點脆皮！另外沙津入面加入咗芽菜同蘿蔔絲 令成件事好有咬口！跟
餐廳坐落於灣仔嘅一條橫街，地鐵站行去大概需要6-7分鐘左右。我同男朋友去嘅時候係星期二夜晚7:30，餐廳出面已經企滿哂嚟Happy Hour嘅人，氣氛好熱鬧！
一入到餐廳，店員就帶咗我同男朋友上二樓。當晚全部枱都坐滿咗客人，所以想嚟嘅朋友仔記得book枱呀！
坐低店員就同我地講今晚個Special係三款牛扒, 原來逢星期二係餐廳嘅 Steak Night! 價錢好實惠， 只係$200 就有牛扒、沙律同薯條食！見到好多枱都有嗌，而且份量都幾大架！不過想同男朋友試下啲唔同嘢所以就冇嗌，但係鐘意食牛扒嘅記得唔好錯過！
我地嗌咗 Crispy Pork Belly Salad做appetizer, mains就嗌咗 Overnight BBQ Ribs with Truffle Fries同埋Duck Leg & Waffle。
首先，個Crispy Pork Belly Salad真係有驚喜，啲pork belly食落有少少似風乾咗嘅豬肉但係又帶點脆皮！另外沙津入面加入咗芽菜同蘿蔔絲 令成件事好有咬口！
跟住就入戲肉啦！Overnight BBQ Ribs with Truffle Fries 驚艷程度超高，份量好夠不在話下，一切落去即刻骨肉分離！果然係煮咗12個鐘！ Truffle Fries 都好惹味，食得出唔係雪藏薯條拎去炸！ 唯一要挑剔嘅就係個ribs唔夠多汁，如果唔係就完美啦！
最後到Duck Leg & Waffle。 因為好掛住London嘅Duck & Waffle，所以把心一橫嗌咗佢嚟試下。 不得不讚下佢個鴨肉真係非常之冧同埋好味！ 但係由於佢鴨腿同waffle中間係夾雜住paprika包住嘅粟米同chorizo，所以成碟嘢偏鹹左啲。
總括而言，呢間餐廳值得一試嘅！
209 瀏覽
0 讚好
0 留言
144 瀏覽
0 讚好
0 留言
105 瀏覽
0 讚好
0 留言
87 瀏覽
0 讚好
0 留言
73 瀏覽
0 讚好
0 留言
張貼
