Izumi Curry (已結業)

話說友人好鍾意Jackie，知道Izumi Curry做緊Jackie主題，為左想同公仔影相而想去幫襯。我心諗：唔係掛....咁大整古。但係因為係朋友生日，所以為左死死地氣去試下.....老老實實，作為一個男仔，入到去餐廳我都覺得好令既，每張台都有放置Jackie公仔，牆紙丶佈置等等都好有童話公仔Feel，係唔錯既。但係作為一個Foodie黎講，我重視既係食物多過一切。牛肉咖喱烏冬味道唔算差，咖喱的味道都幾濃下，牛肉都有幾片。但老老實實，除左插左Jackie張卡紙同埋煎蛋有Jackie個熊仔造型外，真係唔知同Jackie有咩關係。最大問題係，差唔多100蚊的一個烏冬，同街邊40蚊既咖喱烏冬分別唔大。Jackie呢個品牌已經佔左50蚊...吉列豬扒咖喱飯配炒蛋，咖喱的味道比烏冬的咖喱味更淡，飯有點凍唔夠熱，而且絕對係日式咖喱唔帶有任估辣味。炒蛋冇牛油味，炒得稍為老左D。吉列豬扒非常普通，豬扒油份唔夠而帶點乾身，油味比較重。收超過100蚊，但係同我係灣仔58蚊一個咖喱豬扒定食比較的話，我覺得58蚊會好食過佢。只係單純將飯蓋成熊仔造型....真係呃人為左影相而叫單。話哂呢餐飯都200幾蚊又唔