影片
更多
2018-07-28
1322 瀏覽
其實小妹唔係好食辣，不過聽到啲朋友個個都介紹想食辣，就一定要嚟試下三希樓。成日食嚟食去都冇幾多菜係辣。。好啦一於同朋友嚟挑戰下啦🤣一坐低先上兩個小食，左邊夠辣味十足嘅豬 耳非常之爽口彈牙。而冇咩辣味既雲耳啱曬啲唔係好食得辣嘅朋友🤣 不過嚟得呢度唔食辣就真係好浪費！先上一啲輕鬆小食， 沙律汁夠曬清新配上鮮荀 ，夠曬爽口。 感覺有啲似食緊蘋果😁其實我係好憎食蕃茄，特別係生番茄。覺得佢嗰蕃茄味好腥🙃🙃但係佢哋呢個新鮮番茄配上味道好清甜嘅蜂蜜，同淡淡既桂花。 真係完全令我對番茄嘅感覺改觀。香甜嘅蕃茄，令我胃口大增！❤️❤️ 唔係好知入門食辛辣嘢嘅人應該食咩好🤣亂咁點嘅情況下，一見到呢個水煮魚，我哋兩個女仔。。。 。。。🙈係咪真係食到㗎。店員見到即話不如幫你哋不起咗先影相啦，因為浸得越耐，辣味更突出。。🤣唔講咁多畀佢不起先。真係畀指天椒圍㗎！唔好睇小佢嘅份量，滿滿嘅指天椒舖喺盆既魚上面，見到都嚇一跳😋不過都佩服廚師同餐廳落手一啲都唔輕，真係想我哋食到三希樓帶出嘅辣係幾有風味！都唔知不咗幾耐，先至叫做完全不起曬啲指天椒出嚟。真係唔係講笑，就咁不，已經聞到好香濃嘅 辣味😍😍終於見到啲魚喇粉皮啦等等其他配
一坐低先上兩個小食，左邊夠辣味十足嘅豬 耳非常之爽口彈牙。而冇咩辣味既雲耳啱曬啲唔係好食得辣嘅朋友🤣 不過嚟得呢度唔食辣就真係好浪費！
先上一啲輕鬆小食， 沙律汁夠曬清新配上鮮荀 ，夠曬爽口。 感覺有啲似食緊蘋果😁
其實我係好憎食蕃茄，特別係生番茄。覺得佢嗰蕃茄味好腥🙃🙃但係佢哋呢個新鮮番茄配上味道好清甜嘅蜂蜜，同淡淡既桂花。 真係完全令我對番茄嘅感覺改觀。香甜嘅蕃茄，令我胃口大增！❤️❤️
唔係好知入門食辛辣嘢嘅人應該食咩好🤣亂咁點嘅情況下，一見到呢個水煮魚，我哋兩個女仔。。。 。。。🙈係咪真係食到㗎。店員見到即話不如幫你哋不起咗先影相啦，因為浸得越耐，辣味更突出。。🤣唔講咁多畀佢不起先。
真係畀指天椒圍㗎！唔好睇小佢嘅份量，滿滿嘅指天椒舖喺盆既魚上面，見到都嚇一跳😋不過都佩服廚師同餐廳落手一啲都唔輕，真係想我哋食到三希樓帶出嘅辣係幾有風味！
都唔知不咗幾耐，先至叫做完全不起曬啲指天椒出嚟。真係唔係講笑，就咁不，已經聞到好香濃嘅 辣味😍😍
終於見到啲魚喇粉皮啦等等其他配料，佢真係好大盤㗎！唔係用一個碟仔面係一大個盤 ！呢個價錢真係非常之抵食👍👍
佢哋呢個粉皮厚度闊度都贏曬 而且非常之索湯汁。所以食到最後，原來佢哋先係最spicy呀。但係非常之爽口彈牙，真係正 粉皮 ❤️大愛！！
呢度只係一部分嘅魚，兩個人食其實好大份！所以黎三希樓真係有咁多人叫咁多人，包你樣樣都食到。佢哋嘅魚亦都夠曬鮮味，嫩滑十足。而且冇魚骨嘅添！ 平時少食魚嘅我都食曬成碟咁濟🤣
而呢個豬手真係夠曬黏口而且一啲都唔肥膩，唔鞋口，唔un... 當然佢都係辣冇水煮魚咁勁，呢個簡直係bb level，同埋佢辣得黎係幾清新！😍
呢個會炒萵筍絲初初以為佢係唔辣，點知咬到嗰啲一粒粒之後，ma到不得了🙈🙈對比係豬手呢個直情係冇乜辣味，但係食下食下都要飲番多幾杯茶😉
食咗咁多樣辣味十足嘅食物，就梗係要嚟返個甜品中和番啲辣味啦！佢哋嘅流沙包真係超級 超級 無敵 極力 推薦畀大家！真係好流心。而且係我最香嘅奶黃味！真係好滿足呀！！😎😎
以為食辣係一件好辛苦嘅事，但係三希樓帶俾我既係越食越起勁！而且店員嘅服務亦都非常之好，環境亦都非常之舒適。一班人黎，真係會食得更開心更開懷❤️😍
張貼
