POP vegan (已結業)

第一次嚟呢度食嘢，又係第一次寫食評。先講環境，餐廳有兩邊，設計兩邊都唔同，但樓底矮好應聲。食物方面，正如其他食評所講非常好味，我只可以用出色兩個字嚟形容。仲有佢地嘅咖啡間直冇得輸。服務係唔係好似其他食評所講咁差呢？又唔係wor。服務員好親切，其他餐廳舉極手都冇人理你，呢度嘅只要一個眼神就會過嚟睇你有咩需要，又會同你講下笑。美中不足嘅係出餐比較慢。員工得嗰幾個，餐廳又分兩邊相信員工嘅工作量都幾大，但佢地都做到咁真係值得一讚。希望佢地唔好因為個別客人嘅評論而影響到情緒，繼續努力。