吉壽日本料理 (已結業)

太耐冇食過放題，上兩個星期同班同事去食吉壽，自己覺得都算係一間質素頗高既放題食肆。剛好坐到卡位，都算坐得幾舒服唔迫。飲品係要自助去拎，選擇不多，都係可樂雪碧橙汁等。剛坐低，我地叫咗碟刺身食，三文魚厚切，而且新鮮，加上魚生有冰墊住，感覺更加正。甜蝦同北寄貝都好新鮮。之後叫雞翼，帶子等串燒，燒得有咬口。芋頭波波好好味，推介！！本身期望不高既蟹粥都好鮮甜，真係意想不到，不過唔記得咗影相。但係價錢算係相宜，不過都值得一試。