長發海鮮酒家 (已結業)

第一次去食蒸海鮮，入到門口有很大個魚缸放了不同種類的海鮮，好生猛咁，已經急不及特想食，見餐牌寫左多種海鮮，我決定揀A餐食😊 ，每種海鮮都配上幾條生菜，同普洱茶，可解油膩。等食前先飲杯普洱茶，清理口腔。這茶壺有個隔，當倒茶時茶葉不會沖落杯中。首先蒸蝦食先，好快就有得食，d 蝦肉都彈牙，唔錯！之後食特大聖子，落左d粉絲吸哂海鮮d 鮮味，好滿足！之後食日本大元貝，爽口冇沙，正！重點係食石蠔，好大隻肥美，啖啖肉，又冇腥味，好食！之後食馬刀貝同黃金貝，都很有鮮味👍食左咁多海鮮，仲有d 4寶丸同菜食，開始感到好飽。到最後食底層既排骨南瓜粥， d 海鮮汁落哂去d 粥底到，南瓜又夠多，又有莞茜配埋，好好味，忍唔住食多碗！最尾仲有甜品送，係椰汁糕，不錯：)今次食蒸海鮮冇油好健康同埋夠鮮味好食，下次一定會再黎食！