影片
更多
2019-07-20
129 瀏覽
放工返屯門近近地覓食，係taste落黎望到有間餐廳位置都幾隱閉，原來都開左一段時間都未見過佢！咁岩想食d東南亞所以就去試下喇～～成個餐牌食物選擇都幾多，仲有我好鍾意既海鮮（心心眼）得2個人但係又想試多幾款野，所以嗌左好多小食類，加1個飯～1. 豬頸肉串燒以前都係食一片片既燒豬頸肉，今次第一次食一粒粒版肥瘦適中完全唔會太un～上面既醬汁帶椰子香味，新鮮清爽既青瓜洋蔥，中和返濃濃的醬再夾埋（pita餅）物體一啖食，係最滿足！2. 咖央多士夜晚嗌多士食好似好奇怪，但係因為一直未試過餐廳整既咖央（多數自己買醬），又見價錢唔貴就嗌黎試下～中間d醬都搽得滿滿，熱辣辣果時食好好味呀！3. 細滲（兩人份的肉骨茶）好重的藥材味，係真材實料煲出黎既感覺，裏面有雞腳，腩肉同埋豬肚，每一款都夠晒入味，食到停唔到！精華一定係個湯到，個煲令個湯冇咁快凍，又係熱辣辣，冬天黎食一定好正。同埋值得一提既係肉骨茶可以添的！！（食食下侍應埋黎我先知有得添，餐牌好似有寫我盲左）所以兩個人嗌呢個食係超抵呀！4. 胡椒蝦平時係出面食蝦都好貴好唔捨得，但呢到既海鮮價錢都幾抵喎！見到覺得驚喜左！所以嗌左個＄88既胡椒蝦食！個份量大概
位置都幾隱閉，原來都開左一段時間都未見過佢！
咁岩想食d東南亞所以就去試下喇～～
成個餐牌食物選擇都幾多，仲有我好鍾意既海鮮（心心眼）
得2個人但係又想試多幾款野，
所以嗌左好多小食類，加1個飯～
1. 豬頸肉串燒
以前都係食一片片既燒豬頸肉，今次第一次食一粒粒版
肥瘦適中完全唔會太un～
上面既醬汁帶椰子香味，
新鮮清爽既青瓜洋蔥，中和返濃濃的醬
再夾埋（pita餅）物體一啖食，係最滿足！
2. 咖央多士
夜晚嗌多士食好似好奇怪，
但係因為一直未試過餐廳整既咖央（多數自己買醬），
又見價錢唔貴就嗌黎試下～
中間d醬都搽得滿滿，熱辣辣果時食好好味呀！
3. 細滲（兩人份的肉骨茶）
好重的藥材味，係真材實料煲出黎既感覺，
裏面有雞腳，腩肉同埋豬肚，
每一款都夠晒入味，食到停唔到！
精華一定係個湯到，個煲令個湯冇咁快凍，又係熱辣辣，冬天黎食一定好正。
同埋值得一提既係肉骨茶可以添的！！
（食食下侍應埋黎我先知有得添，餐牌好似有寫我盲左）
所以兩個人嗌呢個食係超抵呀！
4. 胡椒蝦
平時係出面食蝦都好貴好唔捨得，
但呢到既海鮮價錢都幾抵喎！見到覺得驚喜左！
所以嗌左個＄88既胡椒蝦食！
個份量大概有十幾隻，下面有個印度餅做底。
第一次食胡椒蝦，佢係先甜再有咸味再到胡椒味慢慢出黎，
過下口癮飲下酒都應該唔錯呀！抵食冇令我失望！
最後男朋友食埋沾晒醬既餅，個味道好夾同埋勝在夠飽肚！
5. 椰漿飯配巴東牛肉
個人係好鍾意椰子味，（尤其係泰國椰子雪糕）
本身想試下蘭花，姐係藍色的椰子飯但男朋友怕怕
所以試左普通既椰子飯。
飯既椰子味洽到好處，淡淡香味唔會太濃令人好快膩，
另外成個飯既配菜都好香好好味，
好鍾意佢個巴東牛肉！好腍好入味，唔會有好多筋，
成個飯撈埋黎食真係好好味！
兩個人最後係全部野都食得晒！成5樣菜我地都清晒！好想下次再黎試下其他野：p
呢到上菜速度﹑侍應服務都好好，時不時黎主動黎睇下你有咩需要
雖然晚市都爆爆地，但成個環境都唔會好嘈，兩個人傾下計慢慢食都唔錯！
講完又想去再食！
張貼
