Mo Mo Kushiage (已結業)

呢間日式串揚專門店仲係試業中，印象中真係未試過係香港食炸串，今日決定試一試佢前菜係新鮮蔬菜配麵豉醬，開胃惹味，淺色嗰款就同平時麵豉醬味道差唔多，而深色d嗰款醬食落有d似平時乳豬醬嘅味道叫咗杯柚子檸檬酒，酸甜清新解膩，完全冇酒精嘅苦澀味炸雞翼唔會太乾，肉嫩有汁燒雪魚乾好好食，外脆帶煙韌，香甜帶鮮，點沙律醬食一流呢個醃蒜頭都值得一試，有木魚絲帶香，醃好嘅蒜頭仍然有爽脆嘅口感，食落唔會有過強嘅蒜味，好易入口而且好開胃呢個南瓜沙律係朋友點嘅，我本身望落都覺得一般般，但食落幾有驚喜，南瓜好清甜，食落唔會膩，入面有蛋碎果仁碎，所以食落個層次都幾豐富之後就到主角炸串，我地點咗炸蒜頭、蝦餅三文魚子、帶子、豚肉卷、牛柳、鯡魚子昆布炸蒜頭真係食落同平時感覺好唔同，一入口以為係薯仔，因為佢大大舊，又冇強烈蒜味，口感又糯又粉，幾有趣圓形嘅係炸帶子，超大粒，佢炸完後仍保持到爽口嫩身，唔會乾曬縮曬，帶子控必試蝦餅三文魚子配埋沙律醬味道好香好濃郁鯡魚子昆布相比之下味道冇咁濃，但口感真係超級治愈，每咬一下都feel到魚子卜卜脆咁係口中爆開，相當過癮另外加多個關東煮就一定夠曬飽，蘿蔔超甜超多汁，唯一係雞蛋老咗d，肉就好