影片
更多
2022-11-18
487 瀏覽
先前喺openrice見到食評大讚點知中伏用左openrice咁多年都未寫過食評，但實在想出番一啲真實啲嘅食譜首先讚賞待應雖然人手少，好似得兩個人乜都佢做哂，帶位，落單，切魚生，送上菜茶水乜都佢，但都盡心服務，態度好同有禮貌另外因為人客唔多，環境都清靜同好坐而且冇啦啦送每人一隻大閘蟹雖然唔係熱辣辣但都味道唔錯埋單嘅時候先知有送一位，同有discount，不過價錢就算再平都唔會再食因為其他野都好伏首先，佢宜家semi dinner buffet已改左唔係嗌set，係一枱人，冇得揀食乜㕑師決定俾乜你食，然後上左幾碟野話係成枱share食琴日包括有魚扒，鴨脾，同2份牛扒其實真心唔知點解唔可以一人一set而係冇得揀食乜地上左人數碟數嘅扒仲要切都冇切開成塊上，然後自己切自己share有啲不解⋯味道叫正常，唔係熱辣辣，而且絕對稱唔上好食另外生蠔一早開定好幾碟擺左喺度，並唔係食評所講即開，都明白嘅，全場得嗰好似侍應⋯味道以呢個價錢我覺得ok，只係開左喺度冰都冇粒擺喺度，有少少覺得唔太新鮮同衛生，唔知擺左幾耐魚生，三文魚係啲頭頭尾尾，呑拿魚係啡紅色有種唔知擺左幾耐嘅感覺，帶子正常，所以我只係食左幾件三
點知中伏
用左openrice咁多年都未寫過食評，
但實在想出番一啲真實啲嘅食譜
首先讚賞待應雖然人手少，好似得兩個人
乜都佢做哂，帶位，落單，切魚生，送上菜茶水乜都佢，但都盡心服務，態度好同有禮貌
另外因為人客唔多，環境都清靜同好坐
而且冇啦啦送每人一隻大閘蟹
雖然唔係熱辣辣但都味道唔錯
埋單嘅時候先知有送一位，同有discount，
不過價錢就算再平都唔會再食
因為其他野都好伏
首先，佢宜家semi dinner buffet已改左唔係嗌set，係一枱人，冇得揀食乜
㕑師決定俾乜你食，
然後上左幾碟野話係成枱share食
琴日包括有魚扒，鴨脾，同2份牛扒
其實真心唔知點解唔可以一人一set
而係冇得揀食乜地上左人數碟數嘅扒
仲要切都冇切開成塊上，然後自己切自己share
有啲不解⋯味道叫正常，唔係熱辣辣，而且絕對稱唔上好食
另外生蠔一早開定好幾碟擺左喺度，
並唔係食評所講即開，
都明白嘅，全場得嗰好似侍應⋯
味道以呢個價錢我覺得ok，
只係開左喺度冰都冇粒擺喺度，有少少覺得唔太新鮮同衛生，唔知擺左幾耐
魚生，三文魚係啲頭頭尾尾，呑拿魚係啡紅色有種唔知擺左幾耐嘅感覺，帶子正常，所以我只係食左幾件三文魚帶子
熟食，冇邊樣係好食嘅，
基本上我全晚唯一食到真係熱辣辣嘅野係自己烘嘅方包，完
甜品，對甜品興趣不大，但同枱朋友都係差評
Waffle係淋哂，因為整完擺左喺度唔知幾耐講
叫做有個照燈照住
唯一叫比較好食嘅，朋友話係brownie
雪糕係唔識嘅品牌，有個涼茶口味嘅雪糕，不過見朋友都係食左兩啖冇食
最後埋單每位400蚊有找，自己諗值唔值，我就唔會再去喇
張貼