極上千島櫻海景放題 (已結業)

屋企人生日book左檯去荃灣西海之戀3樓既極上千島櫻，餐廳設有戶外露台餐座，都係第一次對住海景食放題😍放題套餐有三款，最平個款都有74樣食物，最貴既豪華櫻多達111樣，真係冇咩可能試得哂🤤刺身落左單唔洗5分鐘就送到，叫左我最愛既三文魚❤️另外仲有油甘魚、北寄貝、榮螺片、虎蝦、甜蝦等，擺盤幾靚幾有心思，味道幾新鮮，特別係三文魚，厚切得黎又肥美☺️壽司每款都點左兩件，分別有醬燒蟹棒壽司、花之戀、三文魚腩壽司、海膽帶子壽司等，質素一d都唔差，帶子肉厚味甜，富彈性，食完再encore🤣燒物鹽燒海蝦肉質彈牙緊實，焦香入味，燒得幾好👍🏻