旅鍋火鍋私房菜專門店 (已結業)

今餐邊爐真係好非一般呀。原來香港都會有旅遊主題既火鍋舖。黎到見到佢既裝置都已經好得意，佢仲有特色唔同國家既主題房，如有： 日式，泰式，真係好得意。最衰我地人少，如果唔係下次可以試下主題房。佢地既湯底都有好多選擇，我地簡左雙拼湯底： 日本櫻花蝦沙爹同芫茜皮蛋馬蹄，好中和。而且沙爹湯唔會好咸，感覺冇咁熱氣, 同真係好多櫻花蝦，正。而火鍋料都算幾多，牛都有好多款。 我地叫左手切牛，牛頸脊，好新鮮，一啲都唔會硬。 有幾樣都好得意，雞頸肉（頸肉牛，羊，雞都有，就係冇豬😮）, 豬肋條，台灣水蓮，大蟹柳，四寶丸，我覺得都係比較出色，而且可能真係夠新鮮，淥落好快熟，又夠稔。 佢唔會係好爛既稔，而係都帶有口感既爽口。 成晚都見侍應不停出菜，我地又食得好熱鬧，勁盡興。