鄭​師姐泰式素食私房菜 (已搬遷) 新店位置

今日初一食齋，所以揾咗好多地方睇吓有無素菜食，但好多都試過，突然醒起有一間泰式素食私房菜，一於上去試吓，而且佢哋會安排好晒食乜嘢，唔使諗，價錢每位$160。上到去以為今日會好多人，好彩唔係，可能始終是樓上舖。入去坐低上菜速度好快，先嚟素义燒，兩人份量都俾得幾多，味道ok，再嚟串燒，這碟都係幾好食的，之後上個冬陰公湯，這個比較辣，但都ok，之後再上生菜包及菠蘿炒飯，這兩個唔好食，飯凍的，生菜包啲假肉唔多好食，無乜味唔知食緊乜。之後再嚟生果沙律、春卷、叻沙粉、紫米糖水都好食，但芒果糯米飯就一般啦，芒果唔甜。上菜速度極之快，食完可能都係一個鐘，而二人份量足夠，食完糖水都飽到飛起，而每人$160蚊，我覺得。。。好處唔使諗乜叫，佢安排好晒，而且款式多。兩個人就$320，好似又。。。如果你一餐飯想食好多款式嘅食物，這是好嘅，但如你想質素好的，兩個人$320可以有其他素食選擇。