珺

營業中

休息中

今日去左中環做野，約埋個朋友一齊DINNER，佢揀左呢間新開素食餐廳「珺」，位於中環威靈頓廣場M88 6樓，餐廳以中、法方式製作素食，fine dining素食真係第一次試，估唔到賣相同味道都好有驚喜!😋鹹香花生好惹味。黑虎掌燉雞油菌燉湯😋以紫砂茶壺盛載，夠哂特別，湯頭濃郁，雞油菌味道相當清香，飲落菌香四溢，濃香又清甜。雙色露筍鮮百合炒素魚翅😋有齊白露筍同青露筍，新鮮爽脆好有咬口，鮮百合炒得清香甜嫩，素魚翅晶瑩剔透好彈牙。黃金素鵝肝球佐松露白汁😋一見到素鵝肝即刻好想試下!炸至金黃鬆脆好香濃，外層香脆內裡軟滑，沾埋松露白汁，提升味道層次!KARANA黑珍珠繡球菌佐花椒菠菜汁😋季節限定，必試!繡球菌清香Q彈，菌香濃郁，KARANA植物豬肉以波羅蜜製成，口感、味道同香氣都好接近真豬肉，咬落煙韌彈牙，口感扎實，好惹味。黃金脆皮燕麥奶😋加入粟米片，炸至金黃鬆化，好吸引，咬開係綿滑香濃燕麥奶，軟滑唔會膩。純素芝士蛋糕😋質感相當濃厚柔滑，食落好似芝士咁絲滑，香甜細膩，口感層次豐富。