新五龍粥麵茶餐廳

營業中

休息中

可以喺返工前去茶餐廳食個早餐確係賞心樂事，奈何揀錯咗茶餐廳就冇得怨人。是日去西環開會，特登早啲到去附近嘆個早餐。平時好怕啲油煙味好勁嘅餐廳，經過呢度見環境唔算差又有卡位，所以就入去充吓電。入到去發現好多食客都係國語人。早餐來來去去都係得幾種，沙嗲牛係我嘅favourite，雙併埋豬扒，配熱檸水。雖然係簡單麵餐，都要等約8分鐘。碗麵睇落冇嘜唔妥，但食落得人驚。麵條型狀方及扁，一嚐之下發覺毫無麵味且粉中又帶少少「膠膠地」，配合埋冇嘜味嘅湯，真係食到心情都差哂。豬扒有四件，件件大骨，唔知係咪調味料好貴，豬扒亦係冇嘜味，好彩沙嗲牛肉尚可接受。真係驚嘆點解可以煮啲咁嘅嘢出嚟！