Artemis & Apollo

營業中

休息中

第一次食希臘餐廳，你哋之前對希臘嘢食完全冇認知唔知佢係食咩。好好彩第一次接觸希臘菜係嚟左呢間！今次呢個set係跟Black Sheep Restaurant個網訂，價錢大概係三百幾蚊一個人一個dinner連前菜同埋甜品。Hummus / Eggplant 再點一啲蔬菜例如係蘿蔔青瓜等等，不嬲都好憎食呢啲蔬菜。但係冇諗過點咗呢一個hummus可以咁好食！成碟菜食晒！去到食沙律，佢個沙律應該係落咗醋有少少酸酸地幾開胃，仲有個芝士同埋一啲crunch係面，雖然未食過呢一種沙律但係一啲都唔會抗拒！去到食主菜叫咗個Falafel，脆炸西蘭花，呢個係一個冇肉嘅主菜。咬落好香好脆！最後甜品係最滿足，冇諗過佢嘅Greek Yogurt配蜜糖係可以咁好食！真正嘅Greek Yogurt口感好似雪糕仲好creamy好rich！佢完全做到晒🤪🤪成間餐廳嘅Service都好好！如果未食過希臘野想試嘅絕對介紹你食呢間！💯💯💯