永年士多 (兆安廣場)

營業中

休息中

年初二嘅時候，經1010訂咗一個6人嘅龍蝦鮑魚花膠大龍鳳盆菜，預約左當日11點至3點收貨，差唔多兩點就收到司機電話落樓下自取。司機哥哥都好有禮貌，個包裝得好好，有紙箱之餘，外面仲加多個保溫袋。夜晚等齊人就開飯啦，隻龍蝦好大隻。盆菜嘅味還可以啦，唔算太入味，可能我個人比較鍾意濃味嘅嘢。隻龍蝦唔算太新鮮，啲肉好實，唔夠爽。分量我覺得唔夠多，有小小失望，我哋五個大人都唔夠食，要另外自己加嘢食落去煮。佢另外送咗一樽辣椒醬，由於全家人得阿嫂一個食辣，所以冇機會試到。總括來講，我覺得性價比唔夠高，嘢食可以多番少少就好喇！不過佢哋仲送咗$200嘅coupon俾我哋，搵日去試吓佢哋嘅車仔麵先。